SuperDizionari

fâ cont loc.v.

Calcolâ un numar, une cuantitât, une sume

sinonims

fâ calcul, calcolâ, contâ

esemplis

"«Spiete, alore, che o fasi un scornòs»; e lu fâs, metint dentri lis compris di Zenco. Po al fâs cont , i consegne a Zenco il scornòs di cjarte di stran e i dîs trop che al jere"

gjavât fûr di "I colaçs" di Meni Ucel

fâ cont loc.v.

Vê fiducie in cdn. o in alc, che a puedin judâ, fâ di poie par necessitâts, azions, resonaments, deduzions e v.i.

sinonims

fâ calcul, fâ stât, fâ afidament, contâ

esemplis

""Disii al comandant che al fasi cont di me… Ce che o pues fâ… Moràs nol cambie…""

gjavât fûr di "Sul agâr" di Pieri Menis

"l'ingôs lu patissin ducj, e trops di lôr no puedin fâ cont di un aiût par scjafoiâ i lambics che a carulin dentri vie"

gjavât fûr di "Fûr di timp" di Jolanda Mazzon

"la sô famee e jere puare come la miserie, e no i vevin insegnât nissun mistir, fûr che chel di rangjâsi e di fâ cont dome su di se"

gjavât fûr di "Prime di sere" di Carlo Sgorlon

fâ cont loc.v.

Previodi o sperâ di fâ alc o che alc al sucedi

sinonims

fâ stât, fâ calcul

esemplis

"doman te nestre vile si use a fâ il secont Nadâl e si guste su la tavaie, no mo? Ancje jo o fâs cont di petâje…"

gjavât fûr di "Lis predicjis dal muini" di Josef Marchet

"a traviers de filiade dal sierai di Bad Wanbrumn nissun po fâ cont di scjampâ"

gjavât fûr di "Storie di Min" di Ivano Urli

monolengâl